Hansen and Quinn: Unit 9, Greek Drills, Exercises, and Readings (with macrons)

DRILLS

I.
#1.. τῑμᾶτε (2)
#2.. ἐτῑμᾶτε
#3.. τῑμᾶται (4)
#4.. ἐτῑμᾶτο (2)
#5.. τῑμῶμεν (2)
#6.. τῑμῷμεν
#7.. τῑμῷημεν
#8.. ἐτί̄μησας
#9.. ἐτί̄μων (2)
#10.. ἐτῑμῶ (2)
#11.. τῑμᾶσθε (4)
#12.. τῑμᾶσθαι (2)
#13.. τῑμῶντι (2)
#14.. ἐτετῑμήκειν
#15.. ποιεῖσθε (2)
#16.. ποιῆσθε (2)
#17.. ποιοῖσθε (2)
#18.. ποιοίητε
#19.. ποιήσομεν
#20.. ποιεῖν
#21.. ποιοίμην (2)
#22.. ποιεῖσθαι (2)
#23.. ἐποιεῖσθε (2)
#24.. ποιῶσιν
#25.. ποιοῦσι (3)
#26.. ποιουσῶν
#27.. ποιῶ (2)
#28.. ποιοῦντα (4)
#29.. ἐποίει
#30.. ἐποιοῦ (2)
#31.. ἐποιήθης
#32.. τῑμᾶν
#33.. ἐτῑμῶμεν
#34.. ἐποιοῦμεν
#35.. τῑμῷεν
#36.. ἐποίησαν
#37.. ποιοίησαν
#38.. τῑμῷησαν
#39.. ποιοῖμεν
#40.. ποιεῖ (3)
#41.. ἐποιεῖτο (2)
#42.. ποιῇ (5)
#43.. ἐτῑμᾶσθε (2)
#44.. ἐτῑμήσασθε
#45.. ἐτί̄μα
#46.. τῑμᾷ (6)
#47.. τῑμῶν (5)
#48.. τῑμῷμην (2)
#49.. τῑμῶσι(ν) (4)
#50.. ποιώμεθα (2)
#51.. ἐποίουν (2)
#52.. ποιοῦν (3)
#53.. τῑμῶντες (2)
#54.. ποιοῦσαν

II.
#1.. ἀγαθὰ ποιοῦμεν.
#2.. ἀγαθὰ ποιῶμεν.
#3.. ἀγαθὰ ποιοῖμεν.
#4.. τῑμῶμεν τούς γ' ἀγαθούς.
#5.. τῑμῷμεν τούς γ' ἀγαθούς.
#6.. ἐτῑμᾶτε τοὺς ἀγαθὰ ποιοῦντας.
#7.. κακὰ ἐποιεῖτο ὑπὸ τῶν ἀδίκων.
#8.. ἐτῑμῶντο οἱ γέροντες ὑπὸ τῶν νεᾱνιῶν.
#9.. εἰ καλὰ ποιοίης, τῑμῷο ἄν.
#10.. ἐὰ̄ν τοὺς ἀγαθοὺς τῑμᾶτε, σωθήσεται ἡ δημοκρατίᾱ.
#11.. ὑπὸ τῶν ἀγαθῶν χορευτῶν τῑμᾷ.
#12.. τῑμῷ ὁ νεᾱνίᾱς τοὺς γέροντας.
#13.. ποιοίης ἂν εὖ διδάσκων τοὺς φύλακας.
#14.. ἐτί̄μᾱ τοὺς στρατιώτᾱς ἵνα τῑμῷτο ὑπὸ τῶν πολῑτῶν.

III.

# ὅδε, ἥδε, τόδε
# οὗτος, αὕτη, τοῦτο
# ἐκεῖνος, ἐκείνη, ἐκεῖνο

#1.. ταῖς καλαῖς αἰξί
#2.. τὴν ἄδικον ψῡχήν
#3.. τὰ κακὰ ζῷα
#4.. τῇ ἐλπίδι
#5.. τοῖς γέρουσιν
#6.. οἱ ῥήτορες
#7.. τὸ ἀγαθόν
#8.. τῆς ἀθανάτου ψῡχῆς
#9.. τὸ αἰσχρὸν σῶμα
#10.. τὸν θεόν
#11.. τὴν θεόν
#12.. ὁ ἀδελφός
#13.. τῷ ἔργῳ
#14.. τοῦ ἡγεμόνος
#15.. τοῖς δώροις

EXERCISES

I.
#1.. (a) εἰ ἀδικοίης, νῑκῷο ἄν.
(b) ἐὰ̄ν ταῦτα ποιῆτε, τῑμᾶσθε.
(c) εἰ τόδε ποιοῖμεν, νῑκῷημεν ἄν.
(d) μὴ ἀδικοῦσα, οὐκ ἂν νῑκῷο.
(e) μὴ ἀδικῶν, οὐκ ἂν νῑκῷο.
(f) τόδε ποιοῦντες, νῑκῷμεν ἄν.
#2.. (a) εἰ τοῦτο ἐποίουν, ἐτῑμώμην ἄν.
(b) εἰ οὗτοι τούσδε ἠδίκουν, οὐκ ἂν ἐτῑμῶντο.
(c) εἰ μὴ θυσίᾱν ποιοῖτο, οὐκ ἂν νῑκῷ.
#3.. ταῦτα μὲν γέγραπται, ὦ Ἀθηναῖοι, περὶ τῶν ἀγαθοῦ ἀνθρώπου τρόπων τοῖς ποιηταῖς τοῖς εὖ τε καὶ καλῶς διδάξᾱσι πάντας γε τοὺς πολί̄τᾱς, τάδε δὲ γράφουσιν οἱ ῥήτορες οἱ νῦν πείθοντες τὸν δῆμον.
#4.. καλόν τοι τὸ ταύτης τῆς γῆς ὕδωρ, κακοὶ δὲ οἱ ἄνθρωποι.
#5.. τάττοιντ' ἂν ἢ παρὰ τῇ γεφύρᾱͅ ἢ ὑπὲρ τὸ πεδίον οἱ ὁπλῖται οἱ ἐν τῇ νήσῳ λειφθέντες ὑπὸ τοῦ στρατηγοῦ.
#6.. οὔτε καλὸν οὔτ' ἀγαθὸν τὰ τῶν ἄλλων κλέπτειν. ἀδικοῦντες γὰρ οὐ τῑμῶνται ὑπὸ τῶν πολῑτῶν οὗτοι, οἳ ἂν ὑπὸ τῶν ῥητόρων κλοπῆς γράφωνται.
#7.. εἰ τάδε ὅπλα εἰς ταύτην γε τὴν νῆσον μὴ ἐπέμφθη, οὔτ' ἂν μάχῃ ἐνῑκήσατ' ἐκείνους τοὺς πολεμίους τοὺς βλάπτοντας τὴν χώρᾱν οὔτε νῦν θυσίᾱς ἐποιεῖσθε ὡς σωθέντες.
#8.. καίπερ εὖ δεδιδαγμένος, ὅμως αἰσχρὰ ἔπρᾱττες.
#9.. τοὺς εἰρήνην ἄγοντας τῑμῶσι πάντες ἅτε δίκαια πρά̄ττοντας.
#10.. οὐκ ἐτί̄μων οἱ πολῖται ἐκεῖνον οἷα τά τε τοῦ δήμου κλέπτοντα καὶ πάντας ἀδικοῦντα.
#11.. τῆσδε τῆς νυκτὸς χορεύσουσι πέντε τῶν χορευτῶν τῶν πεμφθέντων παρὰ τὴν θάλατταν εἰς τὸ τῆς θεοῦ ἱερόν. ἥκουσι γὰρ οἱ ὁπλῖται οἵ γ' ἀγαθοὶ μετὰ τὴν τῶν βαρβάρων νί̄κην τοὺς θεοὺς τῑμήσοντες.
#12.. ἀγαθὸν μὲν τούτοις ἡ νί̄κης ἐλπίς, κακὸν δὲ ὁ τῶν γε πολεμίων φόβος.
#13.. ἐτί̄μων οἱ γέροντες τοῦτον τὸν ῥήτορα, ὅς γε ἄνευ τοῦ γράμματα γράφειν τοὺς νεᾱνίᾱς λόγοις διδάσκοι περὶ τῶν τῆς βουλῆς καὶ τῆς ἐκκλησίᾱς πρᾱγμάτων. οὕτως γὰρ πεπαιδευμένοι ἦρχον ἁπᾱσῶν τῶν νήσων.
#14.. οἱ μὲν ἐλεύθεροι πολῑτεύονται, οἱ δ' ἄλλοι ὑπ' αἰσχρῶν ἄρχονται.
#15.. λιπόντες τὰ ὅπλα λόγοις κακὸν ποιῶμεν τοὺς δικαίους;
#16.. τὴν γνώμην βλάπτει οἶνος ἄνευ ὕδατος.
#17.. ἄλλα τε ζῷα καὶ καλὰ̄ς αἶγας εἰς τὸ ἱερὸν ἀγαγόντες καὶ θυσίᾱς ποιησόμεθα καὶ πᾶσαν τὴν νύκτα χορεύσομεν τοὺς θεοὺς τῑμῶντες ἅτε τὸν στρατὸν σώσαντας.
#18.. ἐτάττοντο οἱ ὁπλῖται ἐν τῷδε τῷ ὑπὲρ τῆς ὁδοῦ πεδίῳ. καίτοι οἱ ἄλλοι ἐκ τῆσδε τῆς χώρᾱς ἐπέμποντο εἰς ἐκείνᾱς τὰ̄ς νήσους ἐν αἷς πᾶς ἄνθρωπος ὑπὸ τῶν ἐχθρῶν ἠδικεῖτο.
#19.. καὶ οἱ κατὰ γῆς τοῖς φίλοις τετί̄μηνται. ἀθάνατος γάρ τοι ἡ τῶν ἀγαθῶν δόξα.
#20.. ὦ Ἕλληνες στρατιῶται, νῑκώμεθ' ὑπὸ τῶνδε τῶν δούλων; ἐὰ̄ν γὰρ μὴ νῑκήσωμεν, λυθήσεται ἡ δημοκρατίᾱ. ταύτης οὖν τῆς ἡμέρᾱς μήτε νῑκηθῶμεν μήτ' εἰρήνην πρὸ τῆς νί̄κης ποιησώμεθα.
#21.. ὀνόματι μὲν εἰρήνην ἐκεῖνοι ἐποιοῦντο, ἔργῳ δὲ ὅ γε πόλεμος οὐκ ἐπαύετο.
#22.. πέπεμψαί τοι ὑπὲρ τὸ πεδίον, ὦ νεᾱνίᾱ, ὅπως τοὺς βαρβάρους σὺν ἀγαθῷ δαίμονι νῑκᾷς.
#23.. γνώμῃ μὲν καὶ ῥητορικῇ ἱκανὸς οὗτος, ἐμπειρίᾱͅ δὲ τῇ τῶν τῆς ἐκκλησίᾱς πρᾱγμάτων οὔ.
#24.. πρὸ τῆς μάχης ἐκείνᾱς τὰ̄ς αἶγας τὰ̄ς καλὰ̄ς θεῷ τῷ τὸν δῆμον σώσαντι ἐθῡσάμεθα. τούτῳ γὰρ τῷ τρόπῳ ἐσῴζοντο οἵ θ' ἡγεμόνες καὶ οἱ ἄλλοι.
#25.. ὦ ἄδελφε, τοῦτόν γε μήτε κακῶς ποιοίης μήτε τούτῳ τῷ τρόπῳ βλάπτοις κλέπτων τὰ χρήματα.
#26.. καλὸς καὶ τοῖς πάλαι καὶ τοῖς νῦν ὁ ὑπὲρ τῆς ἐλευθερίᾱς ἀγών. ἆθλον γὰρ τούτου τοῦ ἀγῶνος βίος ἀγαθός.
#27.. ἐν ὕδατι γράφεις τοὺς τούτων λόγους;
#28.. ἄλογον δὴ τὸ μήτε μάχης ἄρξασθαι μήτε τοὺς φίλους φυλάξαι, ἐὰ̄ν ὑπό γε τῶνδε τῶν βαρβάρων ἀδικῆσθε.
#29.. εἰ ταῦτ' ἐποιοῦ, οὐκ ἂν ἐνῑκῶ.
#30.. πεῖράν γ' ἐποιεῖσθε.

READINGS

# A. Solon, Fragment 4 West

#1.. πολλοὶ γὰρ πλουτοῦσι κακοί, ἀγαθοὶ δὲ πένονται·
ἀλλ' ἡμεῖς αὐτοῖσ' οὐ διαμειψόμεθα
τῆς ἀρετῆς τὸν πλοῦτον, ἐπεὶ τὸ μὲν ἔμπεδον αἰεί,
χρήματα δ' ἀνθρώπων ἄλλοτε ἄλλος ἔχει.

# B. Theognis 637-638

#1.. ἐλπὶς καὶ κίνδῡνος ἐν ἀνθρώποισιν ὁμοῖοι·
οὗτοι γὰρ χαλεποὶ δαίμονες ἀμφότεροι.

# C. Simonides 29 (D. L. Page, Epigrammata Graeca 191-192)

#1.. πατρὶς μὲν Κόρκῡρα, Φίλων δ' ὄνομ', εἰμὶ δὲ Γλαύκου
υἱός, καὶ νῑκῶ πὺξ δύ' Ὀλυμπιάδας.

# D. Agathon, Fragment 7

#1.. φαῦλοι βροτῶν γὰρ τοῦ πονεῖν ἡσσώμενοι
θανεῖν ἐρῶσιν . . . .

# E. Agathon, Fragment 11

#1.. τὸ μὲν πάρεργον ἔργον ὣς ποιούμεθα,
τὸ δ' ἔργον ὡς πάρεργον ἐκπονούμεθα.

# F. Menander, Monostichoi 583

#1.. ὃν οἱ θεοὶ φιλοῦσιν ἀποθνῄσκει νέος.

# G. Moschion, Fragment 2

#1.. ὦ καὶ θεῶν κρατοῦσα καὶ θνητῶν μόνη
μοῖρ', ὦ λιταῖς ἄτρωτε δυστήνων βροτῶν,
πάντολμ' ἀνάγκη, στυγνὸν ἣ κατ' αὐχένων
ἡμῶν ἐρείδεις τῆσδε λατρείᾱς ζυγόν.

# H. Aischylos, Persians 584-597

#1.. τοὶ δ' ἀνὰ γᾶν Ἀσίᾱν δὴν
οὐκέτι περσονομοῦνται,
οὐδ' ἔτι δασμοφοροῦσιν
δεσποσύνοισιν ἀνάγκαις,
οὐδ' ἐς γᾶν προπίτνοντες
ἅζονται· βασιλείᾱ
γὰρ διόλωλεν ἰσχύς.
οὐδ' ἔτι γλῶσσα βροτοῖσιν
ἐν φυλακαῖς· λέλυται γὰρ
λᾱὸς ἐλεύθερα βάζειν,
ὡς ἐλύθη ζυγὸν ἀλκᾶς.
αἱμαχθεῖσα δ' ἄρουραν
Αἴαντος περικλύστᾱ
νᾶσος ἔχει τὰ Περσᾶν.